কবিতা : দুটি চুটি কবিতা

 দুটি চুটি কবিতা
 --লক্ষ্মণ কুমাৰ

   অপ্ৰাপ্তি

 ক'ৰপৰানো আহে
 এটি প্ৰেমিক চৰাই....!!
 মতলীয়া হৈ নাচি ফুৰে
 মোৰ সোঁৱে- বাঁওৱে...
 তাকে চাবলৈ,
 আকাশত দৌৰ মাৰি আহে
 এচপৰা মেঘ
 আৰু বৰ্ষাৰ বাবে
 উন্মাদ হৈ পৰে পৃথিৱী
 বৰষুণ নাহে.,
 ডেউকা কপাঁই
 উৰি উৰি গুছি যায় চৰাই
 আকাশৰ পৰা নোহোৱা হৈ পৰে মেঘ..
  *****************

  ভালপোৱা

 তুমি কাঁইটীয়া বাটেদি
 খোজ ললে
 মোৰ বাটত জানো গোলাপ
  ফুলি থাকিব!!

 তোমাৰ বাটৰ কাঁইট
 আঁতৰাই থাকোতেই
 মোৰ বাটৰ গোলাপ
  মৰহি যাব!!
  *************