কবিতা: তোমাৰ হাতৰ আঙুলি

তোমাৰ হাতৰ আঙুলি
                      ---লক্ষ্মণ কুমাৰ

ফুলৰ সমান কোমল আছিল
তোমাৰ হাতৰ আঙুলি

এদিন কাঁইটে বিন্ধিছিল
তোমাৰ আঙুলিত

বৈ আহিছিল তেজৰ সোঁত
মোৰ কলিজাইয়েদি ....

সিদিনাই প্ৰথমবাৰৰ বাবে
মই ফুলৰ প্ৰেমত পৰিছিলো|

তুমি আজি
কাঁইটৰ পৰা বহু দুৰত
ফুলনি সাজিছা

আৰু

মই মোৰ ফুলনিতে
কাঁইট জীয়াইছো|

কেৱল কাঁইটেহে চিনি পায়
তোমাৰ হাতৰ আঙুলি

কেৱল কাঁইটেহে জানে
কিয় পিন্ধোৱা নাই মই
তোমাৰ অনামিকাত আঙুঠি..!
*********************